15 May

وحلة

Publié par habib fadhlaoui

يحكى أن-2

ـــــــــــــــــــ

...فمة تاجر...رحّال..

من مدينة لمدينة....

ومن..بلاد لبلاد...

(كيما اللومي الاحزاب الكل انتمى ليها )

في وقت قبل...

ما فماش حدود....

وين تحب ...تبيع سلعتك....تبيع...

ايا نهار من نهارات...

توقف في الطريق...

.بحذا...عين جارية...

وجلس يتغدّى...

شرب شوية حليب....

وكعيبات تمر....

هو رمى....النوى....

وما عاهدو كان....بجهامة كبيرة انتصبت قدامو...

راسها قد سبعة روس...

---- ما هذا الذي فعلت ايها المجرم؟؟؟

---- احليلي واش عملت انا...

----لقد رميت النوى...فاصاب ابني...فارداه قتيلا....

---- يا ولدي زيد...ثبت...بالكشي مازال يتنفس...

----لا...لقد انقطع عنه " النقيق".....و حرمتني من...فلذة....كبدي...

لقد حل عليك القتل.....

----احليلي....اخالي اوخي....خليني...نوصل السلعة لاماليها....

ونودع المرا...و الذري ونرجع لك.....

---- اذهب....ساكون في انتظارك تحت تلك الشجرة...

*****

روح التاجر....

وصل السلعة...

و وودع زوجتو...و الذراري....

ووصى عليهم....عمومتهم....

وقفل راجعا....

حتى وصل الشجرة...

فجلس...و بقي ينتظر....

وهو... يهبط فيهم حيار...

**** وبينما...هو على تلك ...التعاسة...

اقبل...رجل...يقود كلبة ( حاشاكم)...

فسلّم...

و استاذن...ليجلس....

ثم سال...

فاجابه التاجر...

....

فقرر الا ...ينتقل من هناك حتى يرى ما الذي سيقع...

وما ان....افصح عن رغبته..تلك...

حتى اقبل...رجل...

يجر وراءه...عنزتين.....

فاستاذن ...وسال...واتخذ نفس القرار.....

وجاء...بعد ذلك....

رجل...يقود بغلة...

و .. كمل قعد بجنبهم....ينتظر معهم....

ظهور العفريت...

ــــــــــــــــــــــــــــــــ

... الحكاية مازالت....ما وفاتش....

اما كان جيت انا في بلاصة العفريت....

نشد...الرجال الاخرين...

ندقدق ليهم كرايمهم....

باش ينحوا....الكلوف....

و التبتبيت....

ــــــــــــــــــــــــــــــــــــــ

البارح انا قضيت قضيات ومروح...

يخلط عليا...واحد....

اكبر مني في السن....

وعضروط....هو بيدو...

السلام عليكم...

عليكم السلام...

تلفت قال لي......." انت ماكش من هنا"....

قلت له....صحيح.... هاك عرفتها.....

قال لي ... منين انت.....

....حسيتوو.....برسيس قديم..

..و انا نكره البراسيس...

قلت.....

" الجزائر تعرفها....؟

..قال لي اي... بطبيعة..؟

.باهي اشنوة الدولة اللي بحذاها...م جهة.. الغرب...

قال .... المغرب...

قلت و.. جنوب المغرب....

قال تقريبا موريطانيا....

باهي....تعرفش عاصمة موريطانيا...؟؟؟؟

قال لي استنى.....

و سكت...زعمة يفكر...

قلت له ايا شاهية طيبة هانا وصلنا....

ـــــــــــــــــــــــــ

وعُجت.... 

مع راس النهج.... . 

حبوووب